Perfection

尼幾日做左好多野。首先星期日係不懼人迫之下，又走左去expo。本來都冇諗住會有d咩斬獲，只係知道唯美主義有擺，所以係重點的target。一行到去已經見到佢件婚紗係心水個d，已被吸引住。我同珊珊一路睇一路話係喎尼件又幾靚，係呀尼件都好ok。之後就神推鬼摃地坐低左，不停睇相，不停問sales野，個sales又不停介紹。個sales的服務都真係幾好，好多介紹，又唔會迫你要即刻join，但當然最重要係個價錢啦。攪左一輪後，我同老公&珊珊當然係冷下先黎個分析，大家都覺得靚&抵。不過我地都行埋其他比較先最後決定。
一個圈，最後都係Perfection，因為我都係要求完美的人，hehe好啱我！
姊妹們一定最想知價錢尼！
$5988 (1wg+2eg+1伴娘+1男g+1褂)已包各頭、身配件
如果加eg只係加$880
expo book仲送鮮花球，頭花，襟花
真係好抵呀！^o^

件衫靚但身形唔靚都係唔掂，要perfect就要係內衣攪攪佢。
今日去左朋友介紹的一間你行過都唔會入去的內衣鋪。但原來佢係地下葆露絲，充滿著很有這方面知識的老板娘同又正又旬價的內衣。個過程就好難話到俾大家知，都有d三級。不過佢地真係好好，雖然只係買內衣褲，但仲幫埋我地改善身形，仲可以隔一段時間返去，俾佢再睇，再同你執。但唔好以為要另外俾錢，係唔駛，仲要d bra真係好低，其他野都唔係好貴。想攪下自己個shape的姊妹們有興趣可以問我啦！

總之一定要靚！

Sweet birthday

今年生日雖然唔多順利，但老公的悉心安排，當然甜到入心啦！
為左準備九月份的影相之行，襯著今次仲練習下影相，玩下扮自然的snapshot！大家睇時要忍住笑喎！(入鏡仲有特別嘉賓)

尋尋覓覓

為準備下個月抵台拍照，首兩件事情必要先先安排辦妥。一件是訂酒店，先前也提及過也算是很順利的預訂好。

次要的便是來回機票，於早前也輕輕的打聽過一下，但普遍也是太早關係下，價錢往往也達至$1400以上，那麼此事便要掉淡一下，待多一回兒吧。於昨天早上，手上拿起一本旅遊周刊，看看看...也不繼打了十五，六間公司報價，歡喜聽到價錢僅是由$850-$1400不等。嘩...真的有兼價機票呢，兩人加起上來平近千元啊！好好好...下午即使還下著雨，我倆也決到旺角走一趟，看看情況。

我倆興致勃勃走上大樓後先找那所至便宜的，當服務員查查查...過後便說：「爆左啦喎，不如搭第二間Airline啦？要$1050蚊。」我們當然不會就此罷休，再找回次選擇$900的一間。他們答案是...一樣的。再找多間，他們答案是...也都一樣的。噢，想了想唯有返回首間再問$1050貴少許的，服務員查明下又說：「都係爆左啦喎！」x@w#z*y...頂那你先前不是查好有位才說我聽的嗎？在少許困惑及失望下來來回回也不知曉問到去那間了。

最終，我倆於大家關門前一刻，在一間訂下了以下的二位機票
（每位$1250再加稅）。

結論是，你要捉緊時間不早不遲才可購得兼價機票。
已不知是貴或平，只希望往後的事情順順利利好了。