中國傳統唔少得

今日同一眾家姐&媽媽風雨不改，去左金都攪掂出門百寶。褂、傘、咕臣、上頭用具、子孫桐(迷你版)、睡衣..........唔駛煩，全部到時一次過攞！GOOD~褂都係揀返傳統野啦，著個一陣慳返D嘛！行過見到套新式D用繡花為主有D民族feel的褂，問完價錢都覺得佢有病，要成$1800租！亞姐套野釀金咩！ 而家我租一套都係$480，因為同美華(二打六介紹)差唔多，所以一次係金都攪埋，太大雨都唔想行！ 其實試左2套都係唔太多金銀線清d為主，我完全分唔到有咩分別，但亞媽同家姐話都係A個套好D，咁咪揀A囉！

著褂的VIAN真係唔多襯~

~襯返對Boot cross over先似我~如果結婚個日可以咁著就好！

















跟住約埋Teresa媽(未來奶奶)出黎，同亞媽一齊揀媽媽衫。其實之前我已經係金都睇過，可以揀得落手只係得一間。 兩位亞太都揀得十分高興，各有所好，試左2件就已有心水，價錢都算預算內，最感恩係咁啱未來奶奶的朋友識尼間的老板，仲俾左個85折，實在係good上加good！不用一個鐘，已經攪掂！又KO多一樣野！YEAH！

婚前課程(二)

上星期已經上完晒婚前課程，話咁快就有埋Cert, 係聖堂結婚攪掂左第一樣文件。宗教視婚姻是十分神聖，所以程序也十分緊慬！除了要完成婚前課程，還有要向神父作婚前查詢，但查詢前要齊備課程證書、婚用領洗紙，同埋婚姻註冊處的登記証明。 齊備晒所有文件先可以交俾聖堂再作最後Confirm。神聖的婚姻果然要過五關斬六障。
第二堂的課程，真是社工野，當然係好野啦！第二堂活動式的教學，容易d吸收，同埋內容都對婚姻是有幫助，總括黎講，上下婚前課程都係件好事！

博藝新look

今日為左睇戲放假都返左黃埔，咁當然忍唔住上去博藝會睇睇個新look。很正很正很正！無論是門外場內，甚至新娘房都煥然一新！我地今次真係底晒~ 不用多講去片.....

婚前課程

尋日上左第一堂天主教徒結婚前必要上的婚前課程。初頭我以為十幾人，有Ｄ遊戲同練習玩下(因為都係社工帶:p)。一去估唔到原來有成幾十人一齊上，仲要講talk咁的型式，慘啦....一定瞓梗！(因為朝早去聖堂已經唔夠瞓，加上全程坐係到聽......)。第一個Topic係講「性」，雖然都有用，但真係諗唔到同天主教的婚姻扯得上有幾大關係，講者都講得唔差，係好有經驗同專業的社工，但佢全程都只係少少camtrollia地同天主教扯上關係。
不過實用「性」教學都好過之後的topic「基督徒婚姻生活」，其實尼個我係最想聽，但由於伯伯的講述真係較為伯伯，所以周公不停地呼喚著我。但都唔係冇用，最有用就係叫我地一定要睇婚姻聖事的禮儀程序書。佢叫我地一定背熟誓詞，因為要背熟望著對方說才有意思，無錯！要望著對方說出誓詞再說＂我自願＂才有意思！　(點解講我自願，唔係我願意賣個關子先)