今日去ML揀相，要揀12張出黎，對我地黎講真係一D難度都冇，不出半小時我地已經攪掂。ML姐姐當然係盡佢的職責叫我地加加加啦~ 好可惜.......要令大家失望！！最後俾左banker一句「唔買」！ML姐姐仲臨走前帶著黑面贈左句「你地尼張單呢係乜都冇加！」 Fine！咁的態度，1蚊我都唔會俾。攞相仲要自己打去問，唔係佢打黎話有相call我地攞！同台灣的服務實在是天堂與地獄！！
相的質素其實唔係話差，不過佢地的造型同攝影手法就尼......所以我地都揀左d比較formal的，當中都有d少驚喜，有一兩張比較活潑的相，都係我地少有！仲有1張大相，2張8R同2張5R係送的，對我地黎講真係bonus，唔駛$$有相送都已經好good！所以我地都冇乜要求啦！6月先有相睇，到時就睇到香港與台灣齊存的婚紗照！
情人節揀完衫，今日係影相日。但為左影尼輯相，實在係一波三折。第一折，為左唔好被ML搵老襯，諗住自己準備花球啦，原本諗住訂鮮花，由我媽媽束起造花球，點知....訂唔到我想要個隻花，左諗右諗後最後決定造絲花，諗住Big day可以用番黎拋花球。第二折，最後的決定係影相前兩日夜晚先決定，仲懶有兩手準備，如果買唔到花造都可以問panda借，誰不知個晚發病，仲要發燒加感冒，果然係流感高峰期。一朝早起身得已經得番半條人命，但都要堅持去買花，亞媽扶住我尼個病人，睇完醫生撐出去花墟買花，要媽媽照護返我轉頭真係唔好意思~~ 第三折，買花並唔順利，想買的色偏偏買晒，一個得番半條人命的病人係花墟磨左3粒鐘，真係唔暈就假！好彩最後都買晒要的材料。 尼個時候當然會問老公去左邊？因為老公要請假影相，所以都要搏殺一輪，夜晚要攞埋絲帶返黎先可以攪掂。
--> 
-->
-->
文章
所有留言
