Monalisa 影相篇

情人節揀完衫，今日係影相日。但為左影尼輯相，實在係一波三折。第一折，為左唔好被ML搵老襯，諗住自己準備花球啦，原本諗住訂鮮花，由我媽媽束起造花球，點知....訂唔到我想要個隻花，左諗右諗後最後決定造絲花，諗住Big day可以用番黎拋花球。第二折，最後的決定係影相前兩日夜晚先決定，仲懶有兩手準備，如果買唔到花造都可以問panda借，誰不知個晚發病，仲要發燒加感冒，果然係流感高峰期。一朝早起身得已經得番半條人命，但都要堅持去買花，亞媽扶住我尼個病人，睇完醫生撐出去花墟買花，要媽媽照護返我轉頭真係唔好意思~~ 第三折，買花並唔順利，想買的色偏偏買晒，一個得番半條人命的病人係花墟磨左3粒鐘，真係唔暈就假！好彩最後都買晒要的材料。 尼個時候當然會問老公去左邊？因為老公要請假影相，所以都要搏殺一輪，夜晚要攞埋絲帶返黎先可以攪掂。

十分感恩，我有個多才多藝，又十分愛護我的媽媽。

十分感恩，係前一日發病，今日都能有狀態順利完成。

十分感恩，老公同我一齊祈禱。

十分感恩，媽媽造了一個充滿愛的花球，頭飾同襟花，我唔駛俾錢買"冷"藤放上個頭(佢D頭花好似"冷"藤，整到成頭都係花，好恐佈～)

至於影相過程，都冇乜期望，亦唔多野想分享，只覺笑到梗，只覺老套post好似胡杏兒，只覺結婚一定要坐藤籃，同係水池前面影一次相，其實只求有幾張可以揀到，星期五揀相，12張係目標！！

--> -->

一堆雜草 媽媽努力化腐朽為神奇

-->

登登登櫈...愛心花球面世 細心看看特別之處是...

有咩咁特別...買個關子先，bigday當日大家會發現啦！