辣辣兵團

於星期六，日我們一行九人，組成辣辣兵團北上尋歡，此次雖然時間短暫，但也算能令我們鬆弛下來，輕鬆一下充一充電。兩天以來我們九男女重點是食食食加食，只有按摩及睡覺時(其實睡的時間也不多!)停下，除此之外沒有人有一刻停過口來呢！

嘿嘿，看看我們的菜色吧，碟碟也是滿佈辣椒的！知道我老婆有個外號稱為「辣妹」的嗎？而我和她一起的又怎能跟不上做個「辣仔」的呢？我也發覺自己近來也可吃得上辣的呢，濕濕碎的也算吃得起來。

「辣 太 太 我 來 也」！

冧哥有情人

前兩日因為有同事生日玩夜左，返到屋企send左個msg俾老公話沖完涼先打俾佢。無諗到老公回覆：「快d啦，好掛住你呀！」好耐都冇收過老公講好掛住的msg。諗返起初初識老公時，我地成日都用call機留言，仲唔理上堂狂睇call機同覆call。我地仲成日留歌詞俾大家，諗起都有d肉麻呀~
不過原來歷久嘗新的感覺係好正！
~老公，我都好掛住你~

聽聽情歌

說得是記錄婚禮的部落格，又何來可少得一些情歌呢？如果大家有細心留意我們的右手邊:::SONG:::的位置，只要按一按播放的按鈕，便可觀賞到我們所推介的情歌。雖不可說是種類繁多，但當中多少也會有些令咱們鈎起一些甜蜜回憶來，不論新、舊、中、英、台或日...也將不定期送上，有空便多多留意欣賞吧！

熱辣辣睇樓團

今日難得放假，一有時間就要為結婚做準備功夫。咁好陽光，我同老公冇選擇到沙灘，去左揀樓。其實之前老公都寫左睇左幾個地點，不過都係未揀定。同埋我一直都好想住下村屋，但由於一路都冇租盤關係，一直都未睇過。終於今日去左屋企附近的村屋，見到有間地產，專租村屋，但係...我地兩個不停滴汗等了又等，都係冇人返黎，個地產帶人出去睇屋公司電話又唔飛線去手提，點做生意GA！最後我地都係敵唔過太陽伯伯，係附近行左一轉就走了。我地都諗如果有得睇就好啦！又近地鐵，又有渡假feel，好正！(最正就當然可以養狗:>)

之後，我地竭而不捨，因為老公話知道有另一間地產係荃灣都有好多村屋盤。雖然已經成身濕晒，都想去睇！滿心歡喜去到，點知話得一間，仲要唔就腳。後尾個地產介紹我地係附近一間唐樓的一房一廳，三千幾蚊，好似好吸引咁，就上去睇樓。
我地滴住汗行左6層樓梯，行到上去，佢完來係一伙間三戶，一房一廳連厠所同廚房，其餘兩戶係套房。因為佢番新裝修緊，都未睇廚房，我問佢個廚房係邊，地產話係厠所出面，即係將個厠所間開，要經過一個好細的厠所先可去到一個好細的厠所。其實細都唔緊要，但厠所同廚房係一齊係完全接受唔同！咁如果大大的話，又煮緊的話咪好唔衛生！香港真係冇奇不有！

如果佢唔係間開一伙三戶，我覺全層租出地仲好，最多六千幾蚊！因為我地最欣賞佢個天台，個天台係好大好乾淨，可以用埋，得閒BBQ下幾正！但尼個間隔我寧願揀返之前我地睇太子，都叫做巿巿正正有兩房一廳，都係五仟幾蚊！

不過都係睇多幾到先決定，暫未下到結論！繼續努力為我們的安樂窩努力呀！

好想去旅行！

為左要儲錢結婚，都唔敢洗錢去旅行。自從上次同老公去完㤗國後，都有成兩年幾冇去過旅行啦！黎緊9月去台灣影相，都已經當去旅行。不過之前諗住慳D去4日夠影就算，但其實都冇乜時間可以玩到。同珊珊傾起這話題，佢都建議不如stay多日，諗下又係喎！橫掂酒店咁平，而且老公又未去過台灣，留多日都係多3百幾蚊姐(滿佈想玩的值口:p)，就游說左老公即刻上網book多日酒店啦！
好野！有一日真係可以用黎玩！唔駛等到出年年尾honeymoon先有得去旅行lu！haha!