Yeah!Yeah!Yeah! 幾樣大野都攪掂左啦！
一直最煩腦我們的家在何處的問題，十分感謝天主的安排，只是於短短1個星期內已經成功KO左啦！實在是太感動了！正是我們一直夢寐以求的地點方便但非港式屋苑的村屋喇，居住地點只需2分直達地鐵站，環境清幽。 哈哈！其實間屋一D都唔大，300多尺，但四四方方，仲有我最喜愛的開放廚房。以我地兩個做野已佔人生3/4時間的來說，有個竇已經好good，最good當然係租金夠平啦！$4500成交！ 結婚後仲有10萬多個洗錢大計，當然是要以慳為大前題啦！ 仲有仲有呀，佢係全新裝修，而家都睇到大約裝修，預計9月尾先起租，又可延到最後時間先俾錢，實在太好啦！
今日仲confirm埋造介子同教堂花佈置，check list又可take走多樣啦！
8月24日有隻9級鸚鵡襲港，早於半個月前約定的司儀，Night event planner的陣容依然不懼9級巨風，冒死出黎開個邊爐會。話時話香港打風我從來都唔驚，但出到去先感受鸚鵡的威力，好似拍戲咁係旺角撩無人煙的街頭連店鋪的鐵鉀都捲走，今次真係搏！
講番邊爐會，雖然奧運同家好月圓成為左我地議程的主要部份，但大家每逢廣告位都可以回魂！大家都充滿想像力，真係想攪到奧運開幕咁，不過基於成本同顧及各賓各的觀賞角度都互ban左好多左喬。最後都bit左d野出，暫時諗左前部份，後半部份就要下回分解，相信下次冇左奧運，亦唔落家好月圓尼個議題會好快攪掂！
好快好快....仲有2個月多D就到啦！所有野都要加速去做，但仲有好多好多好多..........
尋日上午，我同老公特登特請左假去辦婚事，好似辦年貨咁！
首先去左婚姻登記處攪登記攞教堂紙，本來諗住約早D，早D攪掂早D可以返工，點解2隻豬最後都係遲左成30分鐘，去到俾政府D亞嬏串，幾驚佢話唔幫我地做，要再去過。 填政府最麻煩，樣樣野都話要一樣，我之前賴過野，所以都諗會唔會簽名都要同第日簽紙一樣尼，我就已諗定簽邊個名，申請表都係果個名，但又冇講俾何生聽，就係咁樣又俾政府亞嬏串。 「係呀！第日要簽返一樣名架，你改唔改呀？改我又要scan過，係就快d」，何生最後理得佢照改！
攪掂後又去左問介子鋪，造介子的期要幾耐，造唔造到我地想要個款等....起初第一間(之前已問過)之前黎問話整到，但而家又話整唔得，好彩問多佢話整到，肯幫我地整，真係開心唔駛又要諗過。下個星期就去KO埋佢！
35度，係35度一對熱血新人之後又去深水埗睇何生套禮服的配件，仲有聖堂佈置的紗。
下午老公返工，我要繼續熱血，KO左褂鞋同婚紗手套。初以為好易攪，但都揀左好耐，褂鞋原來間間都唔同，有D真係著得好唔舒服，D碼又有唔啱。著一個朝早，所以都真係要揀到GOOD為止呀！
中國加油，一對新人都要加油呀.....
汗水、刺激、浪漫的一個生日.........
老公自製的雪糕蛋糕, Yummy >3< !!
文章
所有留言
