試衫篇 - 第一回

對Perfection本是很有期待的感覺，很可惜一去到就被一個可惡的sale完全破壞。
我同家姐、我的姊妹仲有老公一去就發現很多人，都正常ge年尾時節，但由我與那個三八開始對話就係惡夢的開始。
首先我問佢有位可以俾我放個袋睇衫，佢叫我放係地下，即刻O咀，之後又問佢俾D相我睇，俾左兩三本，但有兩本都係一樣，佢問我揀唔揀到，我揀到一兩件，佢話：「下！揀得咁少呀，尼D又唔啱呀！」，又差勁D係佢話要check D衫有冇期，問左佢幾次都係未check，話我揀多D先一次過check，我話揀唔到，試住先，又唔多滿意，太可惡！ 其實D衫比我想像中差好多，唔知點解係expo係有D靚野，黎到又冇，可能年尾都出晒街，真係唔啱時節！
到試衫，試左10件，我有6、7都唔啱，我自己同我的親友大家都係同一樣話唔掂，快D換下一件的時候，佢話：「下又唔啱呀！」簡直白痴，唔鍾意唔得呀！
尼個三八叫ADA，認住佢！係一個趕客的sales！！

雖然係啱，其實我最後都揀都3件較啱心水，另有1件都hold起左，不過唔係好鍾意，但見到有人hold左件都好幾靚，不過要出街冇得試，下次先可以試。
我總共hold左兩件婚紗，兩件晚裝。係咪好怪呢！其實有一件婚紗係諗住夜晚著，尼件我最鍾意，比較特別d的婚妙，唔似一般的婚紗款，雖然要用男裝同褂，仲要加左$620先有，但鍾意就冇法啦。而另一件婚紗係通花較長的拖尾，較為傳統的婚紗款，啱行教堂，不過其實我都係想睇下有冇d型d的款，所以都要期待下一次。 另外晚裝，有一件都ok鍾意，係我之前冇諗過揀的款，較公主feel，有d迪士尼，不過係墨綠色，所以grand d，都幾特別ge。不過另一件係粉紅色，就一般啦，我諗到都會揀過！
算啦！都book左，下次去我媽媽同其他家姐一齊出動，氣勢咁勁，到時如果個三八仲係到實會變左擦鞋的綿羊！哈哈！

今次冇相睇呀！要下次last confirm先可以影，到時一定要揀到靚衫！