台灣婚照篇~第二回

我地返黎啦！相信我地同大家最關心的都係我地婚紗相。Hehe！最終.......我地由300張相揀左44張出來，over左我地預算少少！不過尼44張都真係我地好鍾意，冇得再揀。其實仲有d割愛，不過我地為左唔想有太多相似的類型，都忍心捨棄了。蝴蝶樹的服務非常之好，唔會迫你要相，

又好唔會黑面。最快有相睇的時間係10月尾，我都好期待呀........

未有相睇前，講下影結緍相過程啦！

8:00開始化妝 - 化左後差d唔認得自己個樣，化妝的效果真係神奇。(我仲帶左本婚書去，仲左個造型佢參考，佢地都樂意去睇再同我傾)

9:00先拍內景 - 兩個未瞓醒又未warm up，有d生梗。不過好快就投入了。

11:30食午餐 - 佢個package包埋，台灣三寶飯豐富好多呵！不過我地都唔係好想食。尤其是我著個d衫都食唔落。

12:00再化妝 - 換新造型，係將我原本束起晒的頭髮放左落黎，係一個較短直髮look(因為我原本頭髮亦唔長)，佢用左有暗白色花的頭紗再加係頭到。哈哈！老公初初見話好似姑娘。尼個頭都幾特別，好少見新娘有尼個造型。我都好鐘意呀！(我覺得佢襯我影緊時，睇左我本書，參考左入面的造型)

12:30出發外景 - 第一站：大屯農場

去到發現好多對新人都係拍緊，不過地方都幾大，同埋有好多塊花田，所以唔會打交。同埋個到有我最鐘意的太陽花同薰衣草呀！佢個到d太陽花高到去腋下，好靚呀！真係好多地方都可以影，有風車，有千秋(不過我地冇景)，有水池，有數個不同花的花田。

仲有最正的係天氣真係好好，有陽光，又有風，所以唔係太辛苦。

影完婚紗，換造型啦，變左個長髮女生look，換埋套衫(淡綠藍色)，再化妝，感覺全完不同了，較女仔，少少田園公主feel。換左造型後影左幾個景後就去下一站啦！

3:30繼續外景 - 第二站：淺水灣

台灣都個淺水灣，我覺得有feel過香港好多呵！有好多小白屋，白屋入面好有希臘、少少泰國feel，好多顏色。雖然去尼到要幫襯佢地間野，有最低消費，不過包埋攝影師佢地都只不過百幾蚊，同埋d特飲好好味，又大杯。正！

又開始影啦！先影屋外景，仲著左新鮮熱辣係西門町買的人字拖一齊影添。hehe！對人字拖有幸地做左大相的配角。因為我地係尼到揀左其中一張相做大相呀！

又係換造型的時候，今次換了套黃色的吊帶少少低胸長裙，hehe有少少野睇！我好鍾意尼個造型，好有民族夏日feel，好colourful，化妝師加左條紅色鍊上大花花，好good！個頭束起左，一邊髻，有d攪笑。

換左後，影左一陣屋的背景就出海灘，差不多黃昏啦！好野，可以影到日落。尼到d相開心d，Lynn(攝影師)叫我地活潑d，仲叫老公抱起我，抱左好多次添，哈哈！死未！老公你練大隻係有用ga！返出去時，Lynn仲買左地道的麵包俾我地，好好味呀！

6:30返回巿區 - 台北101

換左套黑色晚裝，有個大大的頭飾係頭到。眼眼都化得黑黑濃濃！很不同的感覺呵！係Dior外面掃左幾幅，又係馬路前掃了幾幅！

9:30結束了 - 完成啦！終於大公告成！yeah！返去蝴蠂樹換埋就黎開lu！

令人很回味的幸福旅程呀！