婚姻是神聖

上個星期同神父做完婚前諮詢，完全估唔到的係神父叫我地早d生，仲提醒我地用自然避孕法...哈哈！！ 不過見完主禮的神父，真係發現婚姻係一件好神聖的事，二人的生活，加上了不同角色的生命轉捩點。並不單只是一同構思婚禮，一同尋找居所，原來還有很多學問，很多值得為對方做多一點的東西，更是婚姻的真意！ 好感恩，能夠有尼個機會更再讓自己係婚前再次肯定二人的關係才是最重要，不是一個型式的婚禮。

再次感恩是婚禮的歌詠團終於成團啦！因聖堂歌詠團早已告吹，又唔想三唔識七邀請其他堂的歌詠團，所以一直很擔心沒有合適的人選，最後邀請了我班仔。佢地出開show唱歌，唱就一定冇問題，但彌撒的過程有不同儀式，不是教徒的人可能會難以掌握。 直至佢地第一次參與彌撒(雖然有人瞓覺)，聽到佢地唱出聖詠，那種和諧，悅耳的歌聲真係令我好感動呀！
真係感謝天主的悉心安排，有自己帶住的仔仔女女，為自己婚禮唱出悅耳的歌詠，更是來得有意思！好期待婚禮當天聽到他們的歌聲哦..................！