老公山日快落

緊迫婚前老公生日真係一個好藉口，可以娛樂下..............但點知真係搵黎攪 ！

本身都冇諗住整野食啦今年，忙到咁仲攪乜呢，老公生日前一晚仲要返學，點知放左學行過百佳seafood hand走左入去諗住睇下冇乜可以整又唔駛太多功夫。聰明的我，突然諗到木槺布甸.....yeah！老公又鍾意食，又易整(但其實未整過)！ 跟進打去問三家姐買乜材料，一心諗住蛋糕都整到，一個木槺布甸冇理難到我ge！

買好晒野返到屋企，再問三家姐點整，佢一講話用打蛋器打到...........................幣！唔記得打蛋器係唔係到添，點知好好手尾的亞媽真係之前攞左去二家姐到................................點算呀！ 三家姐用手打都得ge，不過耐d姐..........

懷著冇理由唔得信念的我，真係好勇咁用手打....................一邊打.............一邊諗"當減肥、當減肥............真係好攰呀...................用手打係絶對唔理智的行為，小孩切勿模仿！

想交換手打，但左手又唔協調喎......打到周圍到係，唯有用晒右手打。希望到時大家見到鴛鴦臂的我唔好大笑！

製成品結果係.................................變左木槺moss！ 因為雪得唔夠時間！嗚嗚嗚............真係唔抵呀，我一定會再接再黎架(但一定會用打蛋器)！！


車輪打..............個手動發蛋器得咁細咋........古古力煉奶YUMMY！(不過我戒嚴唔啱我)


味道好味的木槺MOSS！ 9週年木槺MOSS特別辦！